Toshkent arxitektura-qurilish instituti O`zbekiston Respublikasi Prezidentining 1991 yil 6 maydagi farmoni bilan tashkil еtilgan. Institut Respublikaning arxitektura-qurilish ta`lim yo`nalishlari bo`yicha tayanch o`quv muassasi bo`lib, oliy ta`limning kadrlar tayyorlash milliy dasturi doirasida oliy ta`lim vazifalarini amalga oshirish uchun mas`ul hisoblanadi.
Institutda “Arxitektura”, “Bino va inshootlar qurilishi”, “Injenerlik servisi” va “Qurilishni boshqarish” fakultetlari, shuningdek, Akademik Litsey, Qurilish sohasida menejerlarni qayta tayyorlash va malakasini oshirish markazi, xalqaro aloqalar bo`limi faoliyat ko`rsatmoqda.
Toshkent arxitektura-qurilish institutida 253 nafar professor-o`qituvchi faoliyat ko`rsatmoqda, ularning 23 nafari fan doktori va professorlar, 95 nafari fan nomzodlari va dotsentlar. Institut professor-o`qituvchilarining 50, 2% ilmiy daraja va unvonlarga еga.