Фарғона шаҳар Бандликка кўмаклашиш ва аҳолини ижтимоий муҳофаза қилиш маркази қошида ташкил этилган «Бандлик ахборот маркази» тўғрисида ахборот.
Вилоятимиз маркази Фарғона шаҳрида аҳолига қулайлик яратиш мақсадида вилоят хокимлиги ва Меҳнат ва аҳолини ижтимоий муҳофаза қилиш Бош бошқармаси ташаббуси билан замонавий Бандлик ахборот маркази ташкил этилди. Бандлик ахборот маркази бугунги кун замон талабига жавоб берадиган марказ хисобланади.
Бандлик ахборот маркази очилиш маросимига 10 та Фарғона худуди шаҳар туман Бандликка кўмаклашиш ва аҳолини ижтимоий муҳофаза қилиш марказлари директорлари, Фарғона шаҳрида истиқомат қилувчи иш изловчи фуқаролар, касб-ҳунар коллежлари битирувчилари (жами 100 нафарга яқин) қатнашди.
Ушбу Бандлик ахборот марказини ташкил этилишида иш изловчи фуқароларни талабларини қондиришда замонавий ва қулай усулда ўзларини малакасига, маълумотига ва мақбул келадиган иш ҳақига қараб иш танлаш имкониятини шакллантириш мақсад қилиб олинди.
Бандлик ахборот марказида иш изловчи фуқаролар учун Махсус дастур ўрнатилган. Махсус дастурга асосан фуқаро ўзи ҳақидаги керакли маълумотларни киритгандан сўнг, унга танлаган ишига йўлланма бериб 5 кун давомида ишга кирганлиги ҳақидаги маълумотни иш берувчи томонидан олинмагунга қадар бошқа фуқарога таклиф этилмайди.
5 кун муддатдан сўнг йўлланма берилган фуқаро ишга жойлашганлиги тўғрисидаги маълумот киритилгач, дастур автоматик равишда бўш иш ўринлари (вакансия) хисоботидан ушбу иш жойи чиқариб юборилади ёки берилган йўлланма бўйича фуқаро баъзи сабабларга кўра ишга жойлашмай қолган тақдирда бошқа фуқарога йўлланма берилади.
Бандлик ахборот марказидан йўлланма берилиб, иш берувчига (корхона ва ташкилотга) юборилганда, сабабсиз ишга қабул қилмаса, Давлат меҳнат ҳуқуқ инспекцияси томонидан қонунда белгиланган тартибда маъмурий чоралар кўрилади.
Ушбу Марказ орқали нафақат Фарғона шаҳри балки бутун вилоятимиз фуқаролари фойдаланиб, ишга жойлашиши, хар бир фуқаро интернет тармоғига уланиб, махсус www.farbandlik.uz веб сайти орқали ҳам иш излаб топишлари мумкин.