“O’zbektelekom” AK “Jizzax” filiali 2002 yil 26 iyundagi 110 –son buyrug’iga binoan Kompaniyaning filiali shaklida tashkil etilgan. Mazkur filial tomonidan Jizzax viloyati hududi bo’yicha mahalliy, shaharlararo va xalqaro aloqa xizmatlari ko’rsatib kelinadi.
Filial tarkibida 12 tuman telekommunikatsiya bog’lamalari faoliyat ko’rsatib kelmoqda. Jumladan, Paxtakor, G’allaorol, Do’stlik, Mirzacho’l, Zomin, Baxmal, Arnasoy, Forish,Zafarobod, Zarbdor, Jizzax va Yangiobod tuman telekommunikatsiya bog’lamalaridir.
O’zbekiston Respublikasi Prezidentining 2005 yil 14 fevraldagi “XXR kompaniyalari va banklari bilan axborot texnologiyalari sohasida investitsiya hamkorligini rivojlantirishni ta’minlash chora-tadbirlari to’g’risida”gi farmoni asosida Xitoyning “ExImBank”i krediti hisobiga “O’zbektelekom” AK telekommunikatsiya tarmoqlarini rekonstruktsiya qilish va rivojlantirish loyihasi tadbiq etildi. Mazkur loyihaga ko’ra, Jizzax viloyati mahalliy telekommunkiatsiya tarmog’idagi 12 ta tuman markazlaridagi eskirgan analog telekommunikatsiya stantsiyalarini C&C08 rusumdagi raqamli telekommunikatsiya stantsiyalariga almashtirildi.